د غور پوهنتون د مني سمستر وروستۍ ازموینې
نن دوشنبه، د ۱۴۴۷ هجري قمري کال د جمادي الثاني د ۲۴مې نېټې سره سمون خوري، د غور پوهنتون د مني سمستر وروستۍ ازموینې چې د ۱۴۴۷ هجري قمري کال د جمادي الثاني د لومړۍ نېټې سره سمون خوري، د شپاړسو اونیو تعلیمي او اکاډمیک بهیر وروسته په بریالیتوب سره پای ته ورسېدې.
دا ازموینې په ټولو پوهنځیو کې د نصاب او د لوړو زده کړو وزارت د محترم چارواکي د لارښوونې پر بنسټ، په منظم، شفاف چاپیریال او د ازموینې د اصولو او طرزالعملونو سره سم ترسره شوې.
د ازموینو په جریان کې، د ازموینو د ټولګیو حالت، د ښوونکو پر وخت حاضري، د اړوندو کارمندانو همکاري او د زده کونکو هڅې په پراخه کچه وڅارل شوې او له نېکه مرغه په ټولو څانګو کې اړین نظم، همغږي او شفافیت ډاډمن شو.
د یادونې وړ ده چې د غور پوهنتون د مني سمستر وروستۍ ازموینې په بریالیتوب سره پرته له کومې ستونزې، په ارامه او ډاډمنه فضا کې پای ته ورسېدې.
