سفر وزیر محترم تحصیلات عالی کشور به ولایت غور
شیخ الحدیث مولوی نداء محمد ندیم سرپرست وزارت تحصیلات عالی در یک نشست بزرگ مردمی در ولایت غور که در آن والی ولایت ، هئیت رهبری موُسسه تحصیلات عالی غور، استادن، محصلان، رئیسان ادارات ولایتی، اعضای شورای علماء، شیوخ کرام مدرسه جهادی و مردم عام اشتراک داشتند صحبت نمود.
سرپرست وزارت تحصیلات عالی طی سخنان خویش با تاکید برای استادان و محصلان موُسسه تحصیلات عالی غور گفت که به آینده کشور تان توجه داشته باشید، در درس های تان تلاش نماید و برعلاوه فراگیری علوم عصری علوم دینی را هم بیاموزید.
نامبرده همچنان محصلان، استادان و عام مردم را به اتحاد و یکپارچه گی دعوت نموده از آنان خواست که تحت تاثیر هیچ گروه قرار نگیرند و باراداه قاطع و همت بلند مسیر علمی خویش را ادامه بدهند.
سرپرست وزارت تحصیلات عالی به مسوُلین موُسسه تحصیلات عالی غور از حل هرنوع مشکل به آنان اطمینان داده گفت که راه های پیشرفت را برای آنان مهیا میسازد.
همچنان والی غور طی صحبت های خویش از انکشاف و پیشرفت موُسسه تحصیلات عالی غور حمایت نموده برای مسوُلین آن موُسسه وعده سپرد که در بخش پیشرفت علم با آنان همکاری جدی می نماید.
