بیوگرافی پوهنیار عبدالقیوم "شاداب"

بیوگرافی پوهنیار عبدالقیوم شاداب معاون علمی و امور محصلان

بیو گرافی محترم پوهنیار عبدالقیوم شاداب فرزند محمداعظم متولد سال 1364 در مرکز ولایت غور می‌باشد. خواندن و نوشتن را در مسجد قریه گنده آب مرکز ولایت کسب نمود. مدتی را به شکل خصوصی (مدارس غیررسمی) به فراگیری علوم دینی (فقه، عقاید، صرف و نحو، اصول و منطق) مشغول بوده و بعداً شامل لیسه عالی سلطان علاوالدین غوری گردید و در سال 1382 به درجه عالی از صنف دوازدهم لیسه مذکور فارغ شده است. بعد از اشتراک در کانکور سال 1382 به پوهنحی ساینس پوهنتون کابل کامیاب گردیده و در سال 1386 به درجه کادر از رشته فزیک پوهنحی مذکور فارغ‌التحصیل گردیده است. بعد از فارغ‌التحصیلی از سال 1387 الی سال 1391 به صفت استاد رشته فزیک به دارالمعلمین عالی غور ایفای وظیفه نموده است. بعد از ایجاد موسسه تحصیلات عالی غور در سال 1391 در ولایت غور، از طریق رقابت آزاد به صفت استاد به دیپارتمنت فزیک آن موسسه تحصیلی جذب گردیده است. در جریان وظیفه استادی از سال 1392 الی سال 1394 به صفت سرپرست ریاست پوهنحی تعلیم و تربیه موسسه تحصیلات عالی غور کار کرده است و از سال 1394 الی 1396 از امورات معاونیت علمی موسسه مذکور نیز سرپرستی کرده است. استاد عبدالقیوم شاداب در نیمه سال 1396 از طریق بورسیه دولتی شامل دوره ماستری به دانشگاه گیلان کشور جمهوری اسلامی ایران گردیده و در سال 1398 بعد از سپری نمودن موفقانه مقطع ماستری دوباره عازم کشور و به وظیفه استادی خویش ادامه داده است. از سال 1399 الی اوایل سال 1401 به صفت آمر دیپارتمنت فزیک موسسه تحصیلات عالی غور مقرر شده و در اوایل سال 1401 حسب لزوم دید مقام محترم وزارت تحصیلات امارت اسلامی افغانستان به صفت معاون علمی و امور محصلان آن موسسه مقرر گردیده است و تا اکنون به بست مذکور ایفای وظیفه می‌نماید.