د مقالې لیکلو سیالۍ د پایلو د اعلان او د انعامونو د ویش غونډه (د اسلام د پیغمبر (ص) سیاسي اخلاق)
د مقالې لیکلو سیالۍ (د اسلام د پیغمبر سیاسي اخلاق) د پایلو د اعلان او د جایزو د ویش غونډه ترسره شوه.
نن د شنبې ورځ د ۱۳۹۳ لمریز کال د سلواغې د میاشتې ۸ مه نیټه ده. د "اسلام د پیغمبر (ص) سیاسي اخلاق" تر عنوان لاندې د مقالو لیکلو د سیالیو د پایلو د اعلان په مناسبت غونډه د شرعیاتو پوهنځي رئیس مفتي شفیق احمد تیموري په ګډون جوړه شوه. د پوهنځیو رئیسانو، د محصلانو چارو مرستیال، د څانګو رئیسانو، ګرانو استادانو او ګڼ شمېر محصلینو په حضور کې د دغه بنسټ د کنفرانسونو په تالار کې جوړه شوې وه.
دغه پروګرام د غور د لوړو زده کړو د موسسې د استاد پوهاند محمد طیب پویا له خوا د سپېڅلي کلام د څو مبارکو آیتونو په تلاوت سره پیل شو.
ورپسې د غور د لوړو زده کړو مؤسسې د شرعیاتو پوهنځي رئیس محترم پوهاند عبیدالله برهاني د غونډې ګډونوالو ته د ښه راغلاست په ترڅ کې د دغه ډول سیالیو ترسره کول یوه بریا وبلله او د دې ډول سیالیو پر ارزښت یې ټینګار وکړ. پروګرامونه
ورپسې د نیکۍ او له بدیو د منع کولو استازي مولوي عبدالباسط مولازاده خبرې وکړې او د ځوانانو او محصلینو لپاره یې دا ډول غونډې او سیالۍ بریالۍ وبللې. او ورپسې د شرعیاتو پوهنځي استاد مولوي نقیب احمد شایق راغی او د علم له لارې یې د انسان د هڅې او کمال په اړه خبرې وکړې.
د غور د لوړو زده کړو موسسې محصلانو د دغه ډول سياليو د پيل هرکلى وکړ، چې د ليکنې او مطالعې په برخه کې د هغوى علمي وده او وړتيا لوړوي او پر دوام يې ټينګار وکړ.
