د غور د لوړو زده کړو مؤسسې د ممتازو محصلانو ستاینه
نن دوشنبه، د ۱۴۰۴/۱/۲۵ نېټه چې د ۱۴۴۶/۱۰/۱۶ سره برابره ده، د غور د لوړو زده کړو مؤسسې د ۱۴۰۳ هـ ش د مني سمستر د ممتازو محصلانو څخه ستاینه وشوه.
د ۱۴۰۳ هـ ش د مني سمستر د ممتازو محصلانو د تقدیر محفل، د غور د لوړو زده کړو مؤسسې په پوهنځیو کې د محترم مولوي صاحب مجیبالله مقري، د مؤسسې رئیس، پوهنیار عبدالروف فیاض، د محصلانو د چارو مرستیال، استاد احمد رصین، د مالي او اداري چارو مرستیال، د څلورو پوهنځیو رئیسانو، د مختلفو پوهنځیو د دیپارتمنتونو آمرینو، کارکوونکو او ګڼ شمېر محصلانو په ګډون ترسره شو.
محفل د قاري صاحب محمد طیب پویـا له خوا د قرآن کریم د مبارکو آیتونو په تلاوت سره پیل شو. وروسته مولوي صاحب مجیبالله مقري، د غور د لوړو زده کړو مؤسسې رئیس، محصلانو ته د ښه راغلاست ترڅنګ، د دوی د مسؤلیتونو او موخو په اړه ارزښتناکې خبرې وکړې.
بیا پوهنیار عبدالروف فیاض، د محصلانو د چارو مرستیال، په دې اړه خبرې وکړې چې ممتاز محصل څوک وي، او هغه محصلان چې په ټولنه کې د نمونې په توګه پېژندل کېږي، کوم ځانګړتیاوې لري.
په همدې ډول، د ټولو ټولګیو د ممتازو محصلانو (لومړی، دویم، او درېیم مقام) څخه ستاینه وشوه. محفل د استاد احمدي، د اسلامي علومو او کلتور استاد، په دعائیه سره پای ته ورسید.
.
